داعية: قهر الزوجة له ثمن عند ربنا.. واللسان الحلو مش مع الناس بس
أكدت الدكتورة نيفين مختار، الداعية الإسلامية، أن قهر الزوج لزوجته والتسبب في تدمير حالتها النفسية أو التقليل من ثقتها بنفسها يُعد ذنبًا عظيمًا يُحاسَب عليه الإنسان أمام الله، مشيرة إلى أن كثيرًا من السيدات يلجأن إلى عمليات التجميل فقط لأن أزواجهن يقارنونهن بأخريات، وهو أمر مؤذٍ نفسيًا.
وخلال لقائها مع الإعلامية آية شعيب في برنامج "أنا وهو وهي" على شاشة قناة صدى البلد، قالت الدكتورة نيفين: «تلاقي ست زي القمر، مش ناقصها حاجة، وتفضل تجري على دكاترة التجميل علشان جوزها بيبص على ستات حلوين.. بس شكلهم تاني، فده بيأثر على نفسيتها.. وده ذنب كبير لأن الأذى النفسي له تمن».
وأضافت: «أي حد يقهر واحدة ست ويوصلها إنها تبكي أو تمرض أو تبقى مش عايشة مبسوطة، ربنا هيحاسبه.. ما هو النبي ﷺ قال: الكلمة الطيبة صدقة، طب ترضي دا على نفسك؟ ترضى أختك جوزها يقهرها كده؟ أو بنتك لما تتجوز يعمل فيها زي ما انت كنت بتعمل؟».
كما لفتت الداعية إلى أن الازدواجية في معاملة الزوج لزوجته مقارنة بالآخرين تُعد من أبرز أسباب الشعور بعدم التقدير، قائلة: «الست بتتأذي لما تلاقي جوزها لسانه حلو مع الناس كلها.. بيصبح على زميلاته، وكلامه لطيف، لكن ييجي عندها هي يبوز ومابيقولهاش حتى شكلك حلو».
وتابعت: «أنا مش عايزة أهاجم الرجالة.. بس بقول كمان للستات، لو جوزك بيتعامل مع كل الناس كويس إلا معاكي، يبقى في حاجة.. ليه وصلتيه لكده؟».
