محمد موسى: البلد محتاجة إعلام مسئول قادر على مواجهة التحديات.. فيديو
قال الإعلامي محمد موسى، إن الدولة المصرية في حاجة كبيرة لآن لإعلام مسئول قادر على مواجهة التحديات التي تمر بها البلاد على المستويين الداخلي والخارجي ودحر المؤامرات التي تستهدف النيل من المؤسسات الوطنية ومقدرات المواطنين.
وأضاف محمد موسى خلال تقديم برنامج "خط أحمر" على قناة الحدث اليوم، بعض الناس اللي بيقولوا عن نفسهم مذيعين عارفين ليه لأن دول ملهومش علاقة بالإعلام المهني ولا يعرفوا أساسا معني ما تعنية هذه الرسالة الهامة".
تابع، للأسف مجموعة من الجهلاء فجأة لقوا نفسهم قاعدين علي الهواء وبيتكلموا ولو بصينا لخلفيتهم للأسف هتلاقي واحدة بتاع تاتوه وواحد كان موظف مرفود في حي من الأحياء وواحد تاني كان معدي من قدام سور مدينة الإنتاج وبايع له حتتين خردة وقالك أدخل أعمل برنامج".
أتم قائلا: الناس الغير مؤهلة دي أسوأ ما يكون علي المجتمع لأن كل من هب ودب بقا يقول أنه إعلامي في وقت البلد محتاجة فيه إعلام مسئول يقدر يواجه التحديات اللي بتمر بها الدولة المصرية في مختلف الاتجاهات.
