محمد موسى يفتح النار على السلاسل التجارية: معدومي الضمير بيخبوا السلع
أشاد الإعلامي محمد موسى، بالدور الايجابي الذي تقدمه وزارة الداخلية من خلال منافذها التي توفر السلع الغذائية للمواطنين بتخفيضات كبيرة.
وأضاف محمد موسى خلال تقديم برنامج "خط أحمر" على قناة الحدث اليوم، في الوقت نفسه تلاقي بعض السلاسل الكبري بيخبوا السلع وأنا قلت أعمل تجربة عملية وأنزل اشتري أرز وسكر وبعض مستلزمات البيت ودخلت اسأل علي أرز الضحي قالولي في كارفور مش موجود وسألت علي زيت كريستال قالولي برضه مش موجود فسألت ليه قالوا مفيش وكررت نفس الموضوع بسوبر ماركت رايه كانت نفس الردود واحدة كما لوكنت بسأل عن ممنوعات؟
وتساءل محمد موسى، فين المنتجين دول وليه الشركات دي مش بتنزل منتجاتها وليه في نفس وقت ارتفاع سعر الدولار .. وده الحقيقة سبب رئيسي لخلق حالة احتقان لدي المواطن .. في الوقت الذي تعسى فيه الدولة بكل قوتها وبكل مؤسساتها ، أنها توفر السلع بأسعار مخفضة تلاقي بعض معدومي الضمير يخبوا السلع .. والحقيقة بسأل إشمعني كل أنواع الرز والزيت موجودة ما عدا النوعين دول سواء كريستال أو الضحي.. وهنا ضروري نسمع رد من اصحاب المصنعين دول ونعرف كمان أسباب اختفائهم؟.
