الدكتور فتحي الشرقاوي يكتب: فيلم أصحاب ولا أعز.. المعاني والدلالات الخفية
رسايل عديدة وصلتني في الخاص اين انت يادكتور..
من فيلم اصحاب ولا اعز..ده الدنيا مقلوبه على الفيلم..
والصحافة والاعلام والسوشيال ميديا ملهاش غيره
عاوزين نسمع صوتك...
الموضوع في اعتقادي الشخصي ليس مجرد عرض..
درامي لبعض المواقف الخاصةبتصرفات بناتنا ولا زوجاتنا
ولا آبائنا بقدر كونه تصدير واضح وصريح لافكار تحض ..
على الفساد والانحلال سواء الاخلاقي او الأسري..
بشكل فج فاق كل الحدود وتعالوا بالراحة وبالهدوء..
ناخد الموضوع تاتا تاتا
أولا: .
احنا ماتربيناش على فكرة إن البنت يبقى لها بوي فرند ..
ولاالولد يبقى له.جيرل فرند لدرجة انهما ممكن أن يلتقيا.
لقاء الأزواج في شقة الولد تحت شعار عادي وكمان البنت
تستأذن أبوها تعمل ده..
وتاخد معاها كمان احتياطات حدوث الحمل ..
طيب ياصناع الفيلم..حضراتكم عاوزين توصلوا ايه...
لأولادنا وبناتناعاوزين تقوللهم أن العلاقات غير المشروعة
قبل الجواز عادية وعاوزين تقوللهم ان الاب ...
لازم يبقى ديمقراطي ويبارك انحراف ابنته قبل جوازها..
كده بقى دخلنا في حته العيب قوووي وخرجنا عن النص.
ثانيا
ازاي الفيلم يظهر زوجه خاينه مع واحد غريب..
وعامله معاه علاقة غير مشروعه وكلام وصور واصوات...
ويكون رد فعل جوزها غايه في الهدوء
يعني ياصناع الفيلم عاوزين تدونا ايحاء مثلا ..
بأن الموضوع عادي وسهل وبسيط وسوايزي...
ياسلااام هل تريدون منا ان يبارك كل من الزوج والزوج
انحراف كل منهما وخيانته للاخر ونقول عادي...
ثالثا.
التصريح الفج للمثلي الجنسي بأنه مثلي ومطالبته للاخرين. بالتعامل العلني معه بذلك يعد امر غريب ومستهجن على مجتمعنا اخلاقيا ودينيا وسلوكيا...
هل اصحاب الفيلم يروجون لعلانية الشذوذ اسوة بالخارج ...إنها دعوة خراب وتدمير اخلاقي ياسادة
أعزائي..عزيزاتي...
الافكار المنحرفة التي يعكسها صناع الفيلم من حيث..
ترسيخ فكرة اعتياد الافراد على السلوك المنحرف.
واعتباره شيء عادي هو اخطر ما في الفيلم
مثل محاولتهم اظهار ان علاقة الولد والبنت جنسيا..
قبل الزواج علاقة عاديه....ونحن نقول لهم لأ والف لأ
صناع الفيلم يحاولون ان يظهروا ان علاقة الزوجه..
عبر الماسنجر والفيديو كول مع الاغراب ..
تصرف طبيعي وعادي ويجب ان يستقبله الزوج بهدوء..
ونحن نقول لهم ..لأ..هذا تصرف خارج عن كل المعتقدات
الدينية والقيم الاخلاقية
صناع الفيلم يحاولون ترسيخ فكرة إعلان المثلي..
عن نفسه بوضوح ومباركة الاخرين انحرافه وشذوذة والترحيب به في العلن ونحن نقول للمثلي إذا كنت مصابا
بهذا المرض فعليك بالعلاج وعدم اظهاره امام الاخرين ...
بدلا من المتاجرة به و تعمد اظهاره واعلانه كأنه شيء عادي.بل ومطالبة الاخرين بالترحيب العلني به ...
هذا جزء من كل ولنا جولات أخرى..
