الدكتور فتحي الشرقاوي يكتب: الابتزاز والاستنزاف العاطفي
ماتتحايلش على حد وتفضل تجري وراه ..
علشان تعتذر له و تصالحه وإنت أصلا على يقين ..
أنك معملتش حاجه تضايقه..
وماتفضلش تعمل زي الاطفال الصغار وتبرر له..
إنك مش غلطان في حقه.
يكفي فقط انك تقوله..انا مغلطتش وانت فاهم غلط...
لو بيحبك وبيقدرك..هيعتبر كلامك ده حسن نيه وترضيه ..
طيب لو جواه اسود...
لو عملت المستحيل وفضلت تبرر له ليل نهار..
مش هيشوف ولا هيسمع غير اللي جواه ناحيتك..
من الاخر كده بيحكم عليك بما ليس فيك ..
ولكن بتصوره ورؤيته المسبقة عنك...
الخلاصة..
يبقى إيه لزمة التعب والتفسير والتبرير والعتاب واللوم
انا بقولك وعلى ضمانتي ريح نفسك وقوله ..
إنت شايف اني انا غلطت فيك وأنا شايف نفسي ...
ماغلطتش وماقصرتش في حقك..
كونك زعلان برغم توضيحي ده يبقى انت عاوز تزعل..
وانا بقولك براحتك ازعل زي ماتحب.....
ماتخليش اي حد يبتزك ويستنفزك انفعاليا وعاطفيا...
مجرد خاطرة.
