السيسي: تكلفة توصيل الطاقة لـ2.2 مليون فدان تتخطى عشرات المليارات

قال الرئيس عبدالفتاح السيسي، إن تكلفة توصيل مصادر الطاقة لـ 2.2 مليون فدان تتكلف عشرات المليارات، معلقا: “وزير الكهرباء يحط إيده معايا بقوة.. وزير الرى يحط إيده معايا بقوة.. وزير الزراعة برضه، ويبقا احنا قاعدين بنذاكر ونتابع كلنا مع بعض، مش جهاز مستقبل مصر بس”.

وتابع الرئيس السيسي خلال فعاليات موسم حصاد القمح 2025، : "المستثمرين بتوع القطاع الخاص.. الأرض دي متاحة ليكم هيبقا قطعنا شوط كبير في إتاحة الأرض مش هتبقى محتاجة كهرباء ولا طرق، كل المطلوب منك تعمل خدمة أرض علشان تطلع إنتاج".

وأضاف: "بصراحة عايزين القطاع الخاص يبقا موجود في القطاع ده، على حجم المتاح بنتكلم في أرقام كبيرة جدا هنعملها.. الشغل ده مش بيمشى من غير كهرباء.. وعلشان توصل كهرباء للمناطق دي فيها استثمارات كبيرة علشان توصل الكهرباء علشان أدخل 100 ألف فدان للزراعة الحقيقية.

وأوضح أنه من أجل عمل بنية أساسية للأراضي الزراعية تصل التكلفة لـ300 ألف جنيه للفدان بنية أساسية ليصبح قابل للزراعة من أرض صحراوية لأراض إنتاجية