محمد موسى يهاجم محمد رمضان: بنيت مجد مزيف على جثث الآخرين
شن الإعلامي محمد موسى، هجوما حادا على الفنان محمد رمضان، لتسببه في وفاة الطيار أشرف أبو اليسر وذلك على خلفية تعليق الأخير في تصريحات له بشأن حزنه الشديد على هذه الواقعة.
وقال محمد موسى خلال تقديم برنامج "خط أحمر" على قناة الحدث اليوم، هو ده العادي بتاعك يا محمد يا رمضان مابنشوفش منك غير كده ، دلوقتي بعد ما الراجل مات حزن وحسرة علي نفسه بعد سحب رخصة الطيران بتاعته ، عشان حضرتك تاخد صورة في كابينة القيادة وتنشرها على مواقع التواصل الاجتماعي، جاي دلوقتي زعلان وانت السبب في اللي الراجل دخل فيه، وتدهورت حالته الصحية بسبب محمد رمضان بشكل مباشر، وصحته بدأت بالتراجع منذ بداية النزاع مع الفنان، حيث تعرض لعدة أزمات نتيجة حالته النفسية السيئة.
تابع، أنت واحد بيبني مجد مزيف علي جثث الأخرين يا أخي زعلان بس .. ومش موجوع أنك كنت سبب في إنهيار أسرة بأكلملها وكنت سبب في أنهم يفقدوا عائل الأسرة بسبب نزوات شهرتك.
