أميرة عبيد: حفلات التكنو ظاهرة دخيلة على مجتمعنا ويجب مواجهتها.. فيديو
قالت الإعلامية أميرة عبيد، إن حفلات التكنو ظاهرة دخيلة على المجتمع المصري الشرقي الوطني بكل قوة لهدم الفكر وصحة ووطنية شبابنا وفتياتنا.
وأضافت أميرة عبيد خلال تقديم برنامج "هي وهما" على قناة الحدث اليوم، "الحفلات دي ليها مسمى آخر شائع بين الشباب وهو حفلات الخبط اللي بتتميز عن باقي الحفلات بيتوزع حبوب الخبوط إللي لازم كل الموجودين في الحفلة ياخدوها عشان يتفاعلوا مع المزيكا التكنو.. يعني إيه الكلام ده".
تابعت: "يعني الحفلات دي مش زي حفلات المهرجانات ولا حفلات الفنانيين ولا حتي كبارية ولا ديسكو.. لا الموضوع أكبر بكتير من كل ده.. الشكل الخارجي للحفلة بيكون عادي مكان فيه مزيكا وخلاص زي أي نايت كلوب.. لكن لب الموضوع مخيف جداً مش مجرد ميوزك الشباب بتتنطط عليها لا.. الحفلات دي بيكون لها شروط وأحكام لازم الشاب يعملها عشان يوصل للدماغ اللي هو رايح الحفلة عشانها".
