هي وهما
الثلاثاء 17 نوفمبر 2026 06:56 صـ 6 جمادى آخر 1448 هـ
هي وهما رئيس مجلس الإدارةأميرة عبيد
مسئول روسي: التعاون بين الإمارات وروسيا في مجال الدفاع الجوي يواصل تطوره مفوض أوروبي: الاتحاد الأوروبي وبريطانيا يقتربان من إبرام 3 اتفاقيات جديدة لتعزيز الشراكة وزير النقل الأمريكي يتوقع عودة النظام الجوي لطبيعته اليوم بعد اضطرابات واسعة النطاق زيلينسكي: أوروبا تشارك للمرة الأولى في اجتماعات فرق التفاوض بشأن تسوية الأزمة الأوكرانية عقوبة إفشاء أسرار البيوت.. الإفتاء تحذر الأزواج من التحدث في 4 أمور الأرصاد: استقرار الأحوال الجوية مستمر حتى الأحد المقبل.. وشبورة كثيفة تصل لحد الضباب ”الصحة” تحسم الجدل بشأن انتشار الجدري في المدارس نهاية رحلة 4 صيادين استخدموا الكهرباء في اصطياد الأسماك بالدقهلية ضبط 445 كجم لحوم ودواجن غير صالحة للاستهلاك الآدمي بشربين رئيس القطاع الديني بالأوقاف يتفقد برامج تدريب الأئمة بمساجد القاهرة حزب المصريين: إشادة ترامب بالموقف المصري من الإخوان انتصار للرؤية الاستباقية للدولة في مواجهة الإرهاب تفاصيل عطل تقني ضرب الخدمات المصرفية الإلكترونية لعدد من البنوك الكبرى الأمريكية

آراء هي وهما

هبة عبد العزيز تكتب: قطايف من غير مكسرات (3)

- بعد متابعتي لمسلسل "#تحتالوصاية" للمبدعة "#منيزكي" أتمنى إن بعض القوانين الخاصة بحضانة الأطفال تحديدا تتغير ، #قانونالأحوالالشخصية للآسف محتاج إعادة نظر ضرورى جدا جدا جدا خصوصا فى مسألة إنصاف الستات اللي بتشيل وتتحمل كل حاجة.
وهقولكم إيه بس !! معلش يا ستات : #الحبزيالحربعايزرجاله.

- مسلسل " #سرهالباتع" أعاد إسم المخرج #خالديوسف من جديد على محركات البحث فى مكانه الصحيح والحقيقى : أولا كفنان : فهو المخرج الموهوب ، وثانيا كمواطن مصرى : فهو الوطنى حتى النخاع ، وثالثا كمثقف : تشغله مسألة الهوية ويحارب لإجلها بإستخدام #القوى_الناعمة.
عود حميد …وحمدلله على سلامتك يا خالد ..

- سمعنا فى المدنية.. إن مدير إدارة برامج في قناة برامجها كلها تحس كده إنها " محورية" عايز يرجع لقناته القديمة اللي كان عامل فيها " صدى" مش بطال ، وخصوصا لما سمع إنه في حركة تغيرات وشوية فلوس حلوة طلعت.. مين مين مين!!؟ مش هقولكم … إعرفوا إنتوا لوحدكم!.

-وسمعنا في المدنية كمان …إن فيه ٣ تغيرات في مجلس إدارة واحدة من القنوات البيج أوووووى في الإعلام الحديث اللي لسه طالعة بقالها كام شهر.. يلا أهو كله "بلوشي" أو "بلشي" أو يمكن "قلشي".

- وقالوا كمان من جوه المدنية… إن رئيس قناة وليدة فخيمة فهيمة رتيبة … قدم طلب بزيادة المقابل المادي للضيوف عشان عايز يجيب نجوم كبار وكده ، والغريب إن الطلب ده إتقدم من أول إفتتاح القناة ، والأغرب إنه إترفض وإتقاله :

مشي حالك باللي عندك، عندنا عيال وعاوزين نربيها!.

- مسلسل "#جعفرالعمدة" برغم إمكانيات معظم فريق العمل و طبعا الفنان #محمدرمضان بموهبته وجماهيريته الكبيرة سواء على أرض الواقع أو بين مجتمع السوشيال ميديا فى #العالمالإفتراضى ، لكن فكرة الإستمرا فى تكرار النوع ده من الأدوار وإظهار صورة الرجل العصري بشكل #الحاجمتولي والجو ده ، بجد بقى أسخف من برامج المقالب اللي بالك بالك ، حاجة كده تشبة إعادة #تدوير_المخلفات .. هو إنتوا عندكم فكرة إن نسبة تعدد الزوجات فى مصر لا تتعدى 4% أصلا, فى حين إن نسبة المرأة المعيلة مثلا إقتربت من 20% !!! …. ما نشغل دماغنا شوية بقى يا جماعة ، وكفاينا إفلاس فى الأفكار!.

قالك … مذيعة سابقة ب #قناة_رياضية فئوية بقالها ٣ سنين بتاخد وعود إنها ترجع لقناة رياضية من نفس العيلة وكل شهر يقولوها اللي بعده اللي بعده اللي بعده…والحمد لله أهى رجعت فى اللى بعده ، وكله زى بعضه!.

تزامنا مع إحتفالية 125 عام على تأسيسه…#البنكالأهليالمصري راعي #كأسالسوبرالمصري لكرة القدم بين القطبين #الزمالك #بطلالدوري و #الأهلى #بطلالكأس ، والمباراة ستقام بإذن الله على أرض #الإمارات العربية الشقيقة.. بجد شابوة للديل الهايل ده ، وللمهندس #سيف_الوزيري طبعا.

النجمة الإسبانية صاحبة الأصول التونسية #هبهعبوك زوجة نجم الكرة المغربي #أشرفحكيمي لاعب #باريسسانجيرمان خسرت قضية كفالة أولادها ضد زوجها اللي تم إتهامه في قضية إغتصاب فتاة بعد أن أثبت القاضي إن حكيمي قام بكتابة كل ثروته بإسم والدته….
قلبي معاكي - أحبيبتى أهبه - وأوعى تسيبي حقك المحاكم الفرنسية مابتهزرش .

نفسي حد يوصلني بالعقلية اللي كتبت #إعلانمدينةمصر عشان أحكم عليه يتفرج على كل حلقات المذيعة إيها اللى لسه آخده علقة سخنة بسبب إنها عايشة دور نصيره الرجالة …

يعنى عشان نفهم بس يا جماعة: إنت أخدت كل الفلوس ديه عشان تغير حرف واحد !!. ! فعلا ديه طلعت سهلة ومش مستهلة !!.

#الفراعنة من وجهة نظر #نتفليكس تقريبا كده يا جماعة …كانوا #منتخبالكونغو!! وحتى #كليوباترا #أيقونةالجمال مطلعين بشرتها سمرا !!! كليوباترا حفيدة الإسكندر الأكبر آخد لى بالك إنت !؟ اللي من اليونان فاهم حاجة!؟ وأمها من سوريا، يعني شاميه والإثنين أبيض من الفل وفل الفل كمان هاتطلع سمرا لمين يا مزييفين التاريخ ؟! .

وبالنسبة لك عزيزى المشاهد :فبلاش إندهاش لأن لسه التقيل مجاش….أجندة !.