الحضري: مانويل جوزيه أعظم مدير فني للأهلي
قال عصام الحضري، حارس مرمى الأهلي السابق، إن مانويل جوزيه أعظم مدير فني جاء للنادي الأهلي، متابعا: "جوزيه جه النادي ومشي ورجع وبرضه كنت أنا الحارس الأساسي للنادي".
وأضاف "الحضري"، خلال حواره ببرنامج "العرافة" تقديم الإعلامية بسمة وهبة عبر فضائية النهار: "جوزيه مكنش قارش ملحتي، لأني كنت الحارس الأول طوال فترة قيادته للفريق".
وتابع: "كان بيتعامل على أننا النجم الأوحد، لكن من جواه كان عارف أنه مفيش حاجة اسمها نجم أوحد، وكان دايما بيبص لنفسه بس، بدليل إنه كان محقق كل البطولات في النادي الأهلي، لكن لما راح مع كل الأندية اللي مسكها، اتحاد جدة كان بينافس على الهبوط، والفريق الإيراني كان بينافس على الهبوط، ومنتخب أنجولا طلع من دور ال٨".
