أميرة عبيد تفتح النار على شبيه عبد الحليم حافظ: فاشل وأجوف

فتحت الإعلامية أميرة عبيد، النار على، تامر شاهين الشهير بشبيه الفنان الراحل عبد الحليم حافظ ، قائلة: "محدش عايز يبقي نفسه ليه؟
وأضافت أميرة عبيد خلال تقديمها برنامج "هي وهما" على قناة الحدث اليوم، "أصبحنا في زمن الناس فيه مش عايزة تبقى نفسها، كله بيقلد بعض، وكأن التميز بقى عيب أو حاجة غريبة، ظاهرة أشباه الفنانين والمشاهير ظاهرة صنعها التريند لتصبح مهنة مربحة لأشخاص فشلوا يكونوا أنفسهم ولكن نجحوا في تصدر التريندات الجوفاء".
تابعت، "الشاب متأثر جداً بشخصية العندليب وطلع بكل ثقة يقلدوا الأمر اللي أدى إلى انزعاج جمهور العندليب و خلق حالة من الهجوم علي صاحب الفيديو الذي يتعمد استفزاز الناس ليصنع تريند جديد.
استطردت،: "اللي بيمشي ورا حد تاني عمره ما هيعرف يسبق ..! واللي بيقلد غيرة مستحيل يكون نفسه ..! واللي بيسرق مجهود غيره صعب يصنع محتوي يميزه ..! واللي بيبص لعيشة غيره مش هيعرف يحسن عشته ..! الخلاصة تكون نفسك أو لا تكون".