ارسم ابتسامة.. مباردة شبابية لإدخال البهجة على قلوب أطفال الشوارع والمشردين
أشادت الإعلامية أميرة عبيد، بمجموعة من الشباب أطلقوا مبادرة تحمل شعار "ارسم ابتسامة" لإدخال البهجة على قلوب أطفال الشوارع والمشردين.
وأضافت أميرة عبيد خلال تقديمها برنامج "هي وهما" على قناة الحدث اليوم، "هي مبادرة صغيرة ولكن معنها كبير.. ليه عشان الشباب دول بينزلوا الشارع بيلفوا علي الشباب المشرد و الأطفال اللي ملهمش أهل بيحلقوا لهم شعرهم وبيجيبوا لهم لبس جديد، مبادرة في منتهى الإنسانية والرحمة والرجولة من شبابنا المصري الأصيل، هو ده المحتوي اللي نفتخر بي وهما دول المصريين مش الإسفاف والرخص اللي منتشر، ولكن للأسف رغم جمال المبادرة و الإنسانية إلا أن الشباب دول بيتعرضوا لهجوم وانتقاد هدام من رواد السوشيال ميديا".
تابعت،: "أنا مبسوطة وفخورة بهذه الشباب، في وسط زحمة مجموعة التواصل الاجتماعي أصبح المحتوي السطحي هو اللي بيلمع.. شباب زي دول يستحقوا مننا كل الدعم والتشجيع مش بس علشان بيعملوا حاجة إيجابية، لا ، لأنهم اختاروا يكونوا النور وسط العتمة.. اختاروا ينقذوا شباب ضاع في دوامة الحياة من الإدمان والتشرد والتعب النفسي.. ويقدموا ليهم فرصة جديدة للحياة .. كفاية بقي ندي ظهرنا للأمل، وخلونا نرفع الراية مع كل مبادرة بتزرع الخير في القلوب".
