تعليق خطيبة مسلم بعد فسخ خطوبتهما: تفكيرنا بعيد عن بعض
علقت يارا تامر على فسخ خطوبتها من مغني المهرجانات مسلم للمرة الثالثة، حيث أشارت إلى أن حياتها مع مسلم أصبحت مستحيلة، بسبب التفكير المختلف دائمًا بينهما، وعدم التوفيق رغم محاولات عديدة لكلا منهما.
وكتبت خطيبة مسلم ستوري، عبر حسابها الشخصي بانستجرام، قالت فيها: عايزة أقول حاجة صغيرة ممكن تكون مش مهمة لبعض الناس لكن لازم أعلن دا، تم فسخ خطوبتي من مسلم للمرة الأخيرة، إحنا حاولنا كتير لكن مفيش نصيب ولا تفاهم بينا، هو شخص كويس ومحترم وكل حاجة وربنا يكرمه في حياته، لكن مشاكنا صعبة وتفكيرنا بعيد عن بعض مهما حاولنا.
وكان مسلم أعلن منذ قليل انفصاله عن خطيبته يارا تامر، فكتب ستوري عبر حسابه الشخصي على انستجرام، قال فيها: محتاج أقول حاجة يمكن مش هتكون مهمة أوي للناس، دلوقتي لأن حاسس أن الناس زهقت من الموضوع ده بس حبيت أوضح علشان رديت ضميري قدام ربنا.. تم فسخ خطوبتي من يارا تامر، أتمنى لي حياة جميلة ونجاح واستمرار، لأن حاولنا كثير وأنا خسرت كثير أوي من حياتي ووقتي قصاد التجربة دي وفشلت، والحمد لله بحمد ربنا إنه بين لي كل حاجة تخليني أبقى في حالي، وأبعد وأسف لنفسي مرة ثانية، والمرة دي بجد تعلمت الدرس، شكرًا المرادي اتقفل الموضوع نهائي.
