مريم حنفي عاملة الدليفري: فوجئت بالصورة وبتفاعل الناس عبر مواقع التواصل الاجتماعي

قالت مريم حنفي عاملة الدليفري، أنا شغالة في المجال ده من سنة ونص، وتفاجئت بالصورة المتداولة عبر مواقع التواصل الاجتماعي، وتفاعل الناس مع الصورة، واللي كانوا معايا في الصورة دول ولادي كنت موصلاهم عند والدتي في منطقة المنيل قبل الشغل.

واوضحت حنفي خلال اتصال هاتفي ببرنامج "حضرة المواطن" المذاع عبر فضائية "الحدث اليوم"، أنها خريجة نظم معلومات إدارية، وحاولت كتير أشتغل في مجال دراستي ولكن لم يحالفني الحظ.

وتابعت "زوجي دايمًا بيشجعني ويدعمني في الشغل من يوم ما بدأت في مجال الدليفري وتوصيل الطلبات، وهو شغال معايا في نفس المجال، والسكوتر بتاعي لو حصل فيه عطل هو اللي بيصلحه."

واستكملت مريم حنفي فى حديثها ان الناس متعرفش أنا اشتريت السكوتر ازاي، لسه لحد النهاردة بدفع أقساطه وبدفع في فلوسها، ده غير الأعطال اللي بتحصل معايا، ولكن الحمدلله، وبحاول اعمل كل ما فى طاقتي لاستكمال مشواري وتربية أولادي، وابنائي متعودين على طبيعة شغلي.