منة شلبي تتبرع بصك أضحية باسم الفنان نور الشريف في المشاعر المقدسة

كشفت سارة نور الشريف، عن تبرع منة شلبي بصك أضحية باسم والدها الفنان الراحل نور الشريف، أثناء تواجد منة في المشاعر المقدسة لأداء مناسك الحج.

وقالت سارة نور الشريف في منشور عبر حسابها الشخصي على فيسبوك: "الحلوة منة شلبي، كلمتني من فترة صغيرة وقالتلي إنها حلمت بوالدي حبيبي الله يرحمه، وقالت لي إنها بإذن الله هتروح الحج وتتصدق لوالدي هناك، والحلوة من جوه قبل بره وفت بما قالت عليه، ومن يومين لقيتها بعتالي الصورة دي "صك أضحية لوالدي"، وكانت مفاجأة جميلة منها، وفي نفس الليلة روحت لبيت والدي القديم في السيدة زينب، وقولتله على اللي عملتيه يا منة، حبيبتي مش عارفة أقولك إيه، لأنه مفيش كلام يوصف إحساسي باللي إنتي عملتيه، ربنا يكرمك ويسعدك دايماً ويطمن قلبك يا طيبة يا حلوة، بحبك جداً".

وقامت منة شلبي بالتعليق على منشور سارة وكتبت: "سوسي صديقه الطفولة وحبيبة القلب وبنت الغاليين، أتاثرت أوي، ده كتير، والله مفيش بينا كده أبدا، ألف رحمة ونور علي أنكل حبيبي".