محمد موسى: ”مصر واجعة ناس كتير أوي بقوتها العسكرية واستقرارها وأمنها”
قال الإعلامي محمد موسى، إن هناك عدد كبير من المتربصين من قوى الشر يستهدفون النيل من مقدرات ومؤسسات الدولة من خلال الأزمة الاقتصادية التي يشهدها العالم كله وأثرت بشكل كبير على مصر.
وأضاف محمد موسى خلال تقديم برنامج "خط أحمر" على قناة الحدث اليوم، "ضروري مننكرش أن فيه ناس كتير متربصين بنا ومش عايزين يقوم لنا قومه.. ناس كده عايزين بطريقة أو بأخرى ياخدوا مكان مصر بالمنطقة لكن أنا بقول لهم مكانة مصر صعب أي حد ياخدها حتي ولو بتريليونات الدولارات لأننا كبار أوي، ومصر واجعه ناس كتير أوي بقوتها العسكرية واستقرارها وأمنها".
تابع: "مش كل واحد عنده قرشين هيتصور أنه بقا كبير.. لأن الفلوس مبتصنعش كبار وحتى لو حصل وصرفتلك كام مليار عشان تصور للناس أنك كبير فتأكد أن حجمك جنب مصر برضه صغير هو أنتم شفتم قبل كده عين بتعلي على الحاجب ومصر هي الحاجب اللي هيحطكم في مكانكم وهيفقع لكم عينيكم اللي مورهاش غير أنها تبص على مصر".
