محمد موسى: مصر فوق الجميع واللي على راسه بطحة يحسس عليها.. فيديدو
قال الإعلامي محمد موسى، إن مصر تمر بأزمة اقتصادية كبرى تحتاج قرارات مدروسة ومبنية على أساس متين، مضيفا: "ده دور الحكومة اللي المفروض لو شايفه أنها معندهاش القدرة على إدارة الملف الاقتصادي يبقي تعمل تغيير في المسؤولين عن الملف الاقتصادي".
وأضاف محمد موسى خلال تقديم برنامج "خط أحمر" على قناة الحدث اليوم، خدوا بالكم وأنتم بتتناقشوا بينكم وبين نفسكم عن الغلاء وضيق المعيشة فكروا كمان في أعداء البلد دي اللي متربصين بها ومستنينا علي الواحدة لأن مصر واجعه ناس كتير أوي بقوتها العسكرية واستقرارها وأمنها اللي مش موجود في بلاد كبيرة وبلاد عظمى.
تابع، "رسالتي هي أن بلدنا مش هتقع ولا هتنحني لحد لأننا كبار وعشان إحنا الكبير بمنطقة الشرق الأوسط هتلاقي بعض الصغار بيحاولوا يوجهوا سهامهم المسمومة لنا ومهما يعملوا مصر فوق الجميع وأكبر من الجميع واللي على راسه بطحة يحسس عليها".
