أميرة عبيد: من حق المرأة تعيش حرة طالما محدش كاسر عينها

وجهت الإعلامية أميرة عبيد، العديد من الرسائل في نهاية برنامجها "هي وهما" على قناة الحدث اليوم.

وقالت أميرة عبيد: "من حق كل ست تسعى للحياة اللي بتحلم بيها.. بس مش حق أي حد يدخل حياتها و ينظر عليها.. من حق كل شقيانة تصرف على نفسها وتظهر جمالها.. بس مش من حقك تتنمر عليها وتوقف حالها.. من حق كل ست تتجوز راجل يقف معاها ويحس بيها بس مش من حقك تمنع شرع الله بسبب غيرتك منها وعليها، من حق الحرة تعيش حرة مدام محدش كاسر عينها".

في سياق منفصل، قالت أميرة عبيد، إن برنامج هي وهما كان وش الخير على البلوجر منى العمدة وهي النهاردة تسير على أول طريق النجاح ولكن النفوس المريضة واعداء النجاح مش سيبينها في حالها وزي ما في ناس كتير بتحبها في البعض بيتنمر عليها وبيقتحم خصوصيتها في الوقت اللي مني العمدة بتعاني فيه من طليقها وأبو ولادها اللي بيتعرض لها من حين لآخر بالأذى".