أميرة عبيد: برنامج ”هي وهما” كان وش الخير على البلوجر منى العمدة

قالت الإعلامية أميرة، إن البلوجر منى العمدة، سيدة ريفية وبنت أصول وأول ظهور تليفزيوني لها كان في برنامج هي وهما منذ عام مضى، موضحة أنها استطاعت أن تحقق شهرة واسعة على منصات التواصل الاجتماعي وحققت إحدى أحلامها.

وأضافت أميرة عبيد خلال تقديمها برنامج "هي وهما" على قناة الحدث اليوم، الحمد لله هي وهما كان وش الخير عليها وهي النهاردة تسير علي أول طريق النجاح ولكن النفوس المريضة واعداء النجاح مش سيبينها في حالها وزي ما في ناس كتير بتحبها في البعض بيتنمر عليها وبيقتحم خصوصيتها في الوقت اللي مني العمدة بتعاني فيه من طليقها وأبو ولادها اللي بيتعرض لها من حين لآخر بالأذى".

تابعت،: "من حق كل ست تسعى للحياة اللي بتحلم بيها.. بس مش حق أي حد يدخل حياتها و ينظر عليها.. من حق كل شقيانة تصرف على نفسها وتظهر جمالها.. بس مش من حقك تتنمر عليها وتوقف حالها.. من حق كل ست تتجوز راجل يقف معاها ويحس بيها بس مش من حقك تمنع شرع الله بسبب غيرتك منها وعليها، من حق الحرة تعيش حرة مدام محدش كاسر عينها".