عمرو أديب: مدة انقطاع الكهرباء هتزيد لساعتين.. اللهم لا اعتراض
قال الإعلامي عمرو أديب، إن مدة انقطاع التيار الكهربائي ستزداد؛ لتتغير من ساعة إلى ما يتراوح بين ساعة ونصف إلى ساعتين.
وأضاف خلال تقديمه لبرنامج «الحكاية»، المذاع عبر فضائية «MBCمصر»، مساء السبت، أن التيار انقطع في منزله اليوم لمدة ساعتين ونصف، لافتًا إلى أنه تواصل مع وزارة الكهرباء، والتي طلبت منه التواصل مع مجلس الوزراء.
وأكمل: «كلمنا الكهرباء قالوا كلموا مجلس الوزراء إحنا ملناش دعوة، كلمنا مجلس الوزراء قالوا هنشوف ونرجع لك، الكلام ده من الضهر ومحدش رجع لنا، آدي الله وآدي حكمته، رغم إننا داخلين على الشتاء ومدة قطع النور بتزيد، طب قولوا لنا ده وضع استثنائي ولا مكمل معانا على طول؟!».
ودعا الحكومة إلى مصارحة الشعب بشأن زيادة عدد ساعات انقطاع الكهرباء وسببه، معقبًا: «مش سر إن النور بيتقطع وبقا بيتقطع كتير، اللهم لا اعتراض، ولو متحدث الوزراء قال لا الكهرباء شغالة وبتتحسن، قول لي وأنا أصدقك، حتى لو شفت النور بيقطع قدامي هقول لك أنت صح، أنا عندي مشكلة في بيتي».
وأكد استعداد الشعب المصري تحمل أي أزمة، مختتمًا: «لو في أزمة هنستحمل؛ نقف جنب بعض ونتصرف، قولوا لنا إيه الحكاية والموضوع عشان نوضب حياتنا ونفسنا، ولا يوجد أي اعتراض».
