أحمد العوضي يطالب جمهوره بالتبرع لأهل غزة

طالب الفنان أحمد العوضي، جمهوره ومتابعيه بضرورة التبرع للشعب الفلسطيني من خلال الهلال الأحمر المصري، خاصة بعد الاعتداءات الأخيرة على أهل غزة من قبل قوات الاحتلال.

ونشر العوضي عبر صفحته الرسمية على فيسبوك، فيديو وهو يرتدي زي الهلال الأحمر المصري يطالب جمهوره بالتبرع لأهل غزة، قائلا: "مساء الخير على كل أخواتي، طبعا كلنا عايشين اللي بيحصل في غزة، أنا بس عايز أطلب منكم حاجة إحنا عملنا بوستات ونزلنا صور والحاجات دي كلها لكن الحاجات دي كلها مش كفاية، عايزك تتصرف تصرف فعلي علشان ميبقاش أن إحنا بس بنتفاعل بمجرد كلام إحنا من جوانا موجوعين علشان إخواتنا في غزة".

وأضاف العوضي: "أنا بطلب منك النهاردة من كل أخ جدع وكل أخت جدعة انزل اتبرع ولو بجنيه إحنا 105 ملايين لو حطيت جنية واحد، وأنا أخواتي كرماء أخواتي مش هيتاخره، هما هيسهلولك كل حاجة، أنت مش هتقدر تروح هما هيجولك لو أنت ماشي في الشارع وكلمتهم هيجولك ياخدو منك الفلوس، ومتقولش إن الجنيه ده مش هيفرق الجنيه هيفرق والنص جنيه، هيفرق لأن إحنا كتير واحنا مصريين جدعان واحنا في ضهر اخواتنا دايما".

وتابع: "يلا نعمل كده والهلال الأحمر ده حاجة كبيرة جدا لو تعرفوا الناس دي بتعمل إيه مش مجرد أكل وشرب ومساعدات يعني حاجات كبيرة جدا وأنا بشكر كل أخواتي دول بجد جدعان، وأنا كل أخواتي جدعان وأنا بقولك الطريق اللي يخليك تساعد فعليا انزل اتبرع ولو بجنيه بجنيه واحد بس مفيش حد معهوش جنيه".