”مش عزبة”.. رسالة نارية من عمرو أديب قبل انتخابات الزمالك

علق الإعلامي عمرو أديب، على اقتراب انتخابات نادي الزمالك، قائلًا "الزمالك سيعود وسنظل أوفياء الزمالك مش هيقع تاني وهذا لمصلحة البلد ولمصلحة مشجعي الزمالك وأعضائه والزمالك لن يكون مكان للثأر والمؤامرات".

وأضاف "أديب" خلال تقديم برنامجه "الحكاية" المذاع على فضائية "إم بي سي مصر"، "الزمالك نادي رياضي ثقافي اجتماعي مملوك للدولة مش عزبة ولا ساحة للقتال من يحكم يحكم وأي قائمة تكسب تكسب".

وتابع "نريد أن نكون نادي طبيعي زينا زي أي نادي في مصر وده حقنا وتاريخنا ومش موجود علشان يبقى موجود في المحكم وتتنازعه الأيادي مش موجود علشان عائلات تحكم فيه موجود لخدمة البلد وعشاقه وأعضائه".

واستطرد "مفيش أي مبرر أن هذا الكيان يعاني وان الناس مش لاقية مرتبات والمدرب مأخدتش فلوسه، أبناء نادي الزمالك يجب أن يتكاتفوا وإحنا لا نستحق التدهور وان هذا النادي يفضل متكعبل عالطول".

وأردف "إحنا مع أن النادي يبقى عادي لان بقاله سنين مش عادي يطلع من نقرة يلاقي دحضيرة، ايه الفرق بين الزمالك والأهلي".

واستطرد "الأهلي معاه مليارات ويعمل فرع تالت لكن الزمالك ليه كل دا هل الزمالك ملهوش شعبية الزمالك لا يستحق اللي بيحصل".

وأكمل "كل اللي بيحب الزمالك لازم يقف جنبه ولو انت كويس هتكسب ولو انت مش كويس تخسر مش مشكلتنا بس النادي موجود وله نشاط".