بعد وفاة نجل حسن يوسف.. رولا خرسا:الدنيا دي ولا تسوى
أبدت المذيعة رولا خرسا حزنها الشديد عقب معرفتها بخبر وفاة نجل الفنان حسن يوسف والفنانة شمس البارودي.
وكتبت عبر حسابها بموقع التواصل الاجتماعي فيسبوك: "الدنيا دي ولا تسوى، نايمين عادي صحيوا الصبح ابنهم الصغير عبدالله غرق، دا اللي حصل للفنان حسن يوسف وزوجته السيدة شمس البارودي".
وتابعت: "أنا أعرفهما علي المستوي الإنساني، وعلاقتي عن طريق الرسايل من سنين طويلة بمدام شمس، بحبها من قلبي، ست طيبة ونقية وقلبها دهب".
وأكملت: "قلبي بيوجعني أوي أوي على الي حصل لهم، موت الفجأة دون مقدمات لشاب عمره 35 سنة (ما يغلاش علي اللي خلقه) بس وجع أوي لأهله، مصيبة ابتلاء كارثة كل دا مع بعض، عبدالله استرده ربه، اللهم لا اعتراض".
وقالت: "البوست دا عشان ندعي لمامته وباباه، هو عند رب كريم رحيم، أما أهله فربنا وحده وبقدرته قادر يصبرهم ويوقفهم على رجليهم، ادعوا لهم أوي أوي، ربنا ينزل سكينته علي قلوبهم".
