بدرية طلبة: ربنا رزقني بزوج حنين على بناته
ناقشت الفنانة بدرية طلبة وانتصار ونوليا، خلال حلقة برنامجهم “من غير نفسنة” المذاع عبر شاشة قناة “هي”، تساؤل هل جلوس الرجل في المنزل مفيد ومحبب لزوجته وأبنائه أم لا.
وكشفت بدرية طلبة، خلال مقدمة برنامج “من غير نفسنة”، عن وجهة نظرها في موضوع الحلقة، راوية بعض الذكريات عن والدها الراحل، قائلة: أنا اتربيت من أب يجي من شغله يتغدى وينام شوية ويقعد معانا، وفي الأجازة يودينا السينما، وفي الشتاء يحطلنا اللحاف على رجلينا ويعمل لينا حاجة سخنة، كان أب الله يرحمه أتمنى كل أب يخلي ولاده طالعين ولاده زيي كده بيتوتية ويحبوا الجو الأسري.
وتابعت بدرية طلبة: وجود الأب في البيت بيشيل كتير أوي مسؤولية مع الأم، وبتطلع العيل سوي نفسيًا لأنهم كانوا شركاء في كل حاجة، وسايبين لينا ذكريات حلوة، وعودت جوزي على ده، وبناتي طلعوا بيتوتيين أوي.
وأضافت بدرية طلبة: قعدة الراجل في البيت بحسابات حلوة جدًا وبتطلع الولاد عندهم ذكرى حلوة، وبابا كان فرفوش معانا أوي وكان راجل جميل، ولو اتعزم برا في مكان كان يشتري لينا أكل وهو جاي ويقول مينفعش أكل من غيركم.
أما عن علاقتها بزوجها، فقالت بدرية طلبة: جوزي ساعات بيسألني هو أنا ليس ماليش صاحب أنزل أقعد معاه على القهوة؟.. أنا كنت مسيطرة، وربنا وعدني بزوج حنين على بناته.
