حسين حجاج يكشف حقيقة خلافه مع محمد هنيدي
كشف الفنان حسين حجاج حقيقة خلافه مع الفنان محمد هنيدي خلال حواره مع الإعلامية انجي هشام في برنامج المنسي عبر قناة هي.
وفي حديثه قال " مش زعلان من هنيدي، لكن كل الحكاية إنه في لقاء تليفزيون وقالوا لي مبيسألش عليك قولتلهم مبيسألش أنا اشتغلت معاه فيلم صعيدي في الجامعة الأمريكية وكان فيلم ناجح جدا".
وأضاف "مرة قابلته بعدها بسنة أو اتنين قولتله ايه انت نسيتني ليه ؟ قالي مينفعش نشتغل مع بعض تاني قولتله طب ليه قالي أصل المشهد بتاعك كان حلو والناس لسه منسيتش لؤي لما الناس تنساه نرجع نشتغل تاني مع بعض.
تابع "لقيت كلامه مش منطقي الناس لما بتلاقي حد ناجح في مشهد بتجيبه لكن ده بيقول العكس لكن أنا مش زعلان منه ولا حاجه هو حر، أنا معرفش هوا جواه ايه أنا قابلته ساعتها في هيلتون رمسيس وكان معاه ساعتها الاستاذ هاني رمزي وانا كنت رايح اسلم على هاني رمزي".
يذكر، أن برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساء ويستضيف عددا من نجوم الفن والإعلامين الذين غابت عنهم أضواء الشهرة والنجومية.
