حمزة نمرة يكشف أسباب إطلاق اسم «رايق» على ألبومه الغنائي الجديد
كشف المطرب حمزة نمره لجمهوره المتابع لحسابه الرسمي بموقع تويتر، الأسباب التي دفعته لإطلاق اسم "رايق" علي ألبومه الغنائي الجديد.
وقال في تدوينة: "قليل أوي اللي عرف يوصل للحالة دي، كل حاجة حوالينا بقت بتزود القلق، تفتح موبايلك وتقلب في صور الناس وأخبارهم، تحس إنك في سباق، وكله سابقك ومتأخر وفايتك كتير أوي".
وتابع: "لازم تجري عشان يا دوب تحصلهم، لكن مهما جريت أو أنجزت برضه حاسس إنه مش كفاية، يمكن قدراتك وظروفك مش دايماً مساعداك، أو يمكن مكتوبلك حاجة أحسن".
وقال: "أنا سميت الألبوم ده رايق عشان أنا فعلاً عايز أكون رايق، و عايز أبطل قلق، في لحظة كده وقفت وقلت لنفسي ليه لازم أجري أصلاً! ومين قال إني في سباق، مش فايتني كتير ولا حاجة، خليني رايق، رايق وتقيل وراسي".
واختتم: "أغنية رايق لكل واحد قرر يبطل جري ويمشي على مهله، ويستمتع بالطريق معايا، والأهم يعيش رايق".
يذكر أن الفنان حمزة نمرة انتهى من تسجيل أغنيات ألبومه الجديد "رايق"، والمقرر طرحه مساء الأربعاء المقبل 19 يوليو.
الألبوم يضم 13 أغنية، يتم إطلاقها بطريقة مختلفة بواقع أغنية جديدة كل أربعاء من كل أسبوع مدار موسم الصيف.
فيما كانت البداية مع أغنية "رايق" التي تم تصويرها فيديو كليب في اليونان مع المخرج مصطفى السولي.
