استأجر طليقها.. تفاصيل جديدة في أزمة حسن شاكوش وزوجته

علق طارق صادق، والد ريم زوجة مؤدي المهرجانات حسن شاكوش، قائلًا: "ولا حاجة حصلت زوجين اختلفوا، ولو ربنا أراد هيرجعوا ولو مش رايد كل واحد هيروح لحاله".

وأضاف "صادق"، خلال مداخلة تليفونية مع قناة "etc"،: "معندناش أسرار بنطلعها وأي حد بيقول حاجة بالنيابة عننا مش مسؤولين عنها"، متابعًا: "بنتي كانت متزوجة قبل حسن شاكوش وهو كان يعرف، وما يقال غير ذلك عار تمامًا من الصحة".

وعن وجود عدة كيلوهات من الذهب مع ابنته، قال: "هو حد بيشيل كام كيلو دهب ولا حد معاه كام كيلو دهب دلوقتي، إحنا مساكين"، مستكملًا: "مش طالبين من حسن شاكوش إلا حقوق بنتي الشرعية، ولو هو قال نرجع أنا مش هوافق وبنتي ليها حق الاختيار"، مضيفًا: "جاب طليقها الأولاني واداله مبلغ من المال، والقانون هيحاسب كل مخطئ".

في حين أغلق محامي مؤدي المهرجانات حسن شاكوش، المكالمة دون الرد على تصريحات والد زوجة موكله.