خالد الجندى: علموا أولادكم يعنى إيه كلمة وطن

قال الشيخ خالد الجندى، عضو المجلس الأعلى للشئون الإسلامية، إن لابد أن يعمل الجميع على الحفاظ على وطنه، لأنه العيش فى أمان الوطن، كأننا ملكنا الدنيا بما فيها، كما علمنا سيدنا محمد صلى الله عليه وسلم، فى حديثه الشريف: "من أصبح منكم آمناً في سربه، معافى في جسده، عنده قوت يومه، فكأنما حيزت له الدنيا بأسرها".
وتابع الجندى، خلال حلقة برنامج "لعلهم يفقهون"، المذاع على فضائية "dmc"، اليوم الأحد: "حافظوا على وطنكم وبلدكم وتخلوش حد يشككنا فى بلدنا، علموا أولادكم يعنى إيه كلمة وطن، دى نعمة كبيرة، إننا نعيش فى وطن آمن، وبنأكل وعايشين، بأمان، والله لو أكلناها بدوقة، زى ما بيقولوا المهم نعيش فى وطن آمن، دى نعمة كبيرة، لازم نحافظ عليها، أوعوا تندموا على النعمة بعد ضياعها، محدش بيعرف قيمة النعمة اللى بعد ضياعها".
واستكمل: "علم إنك يعنى إيه كلمة وطن، قوله يعني إيه كلمة وطن ؟
يعني بيتك.. يعني أرضك.. بدون مبالغة يعني عرضك.. الّلي لو خلّيته عشقك..
تلقىٰ 1000 لقيط يعارضك.. يعني إيه كلمة وطن؟.. الواو ولادتي جوه بيته
والطاء طريق وياه مشيته.. والنون نموت وهو آمن.. ومتّ ليه ؟ أقول فديته..
يعني إيه كلمة وطن ؟.. يعني اللي حايحفظ كرامتك.. يعني سلامته من سلامتك
يعني عَلمَك .. يعني نسبك يعني اللي بيزيّن بطاقتك راح تعرفوا كلمة وطن
من متابعة الأخبار ..عن دول خِربت وضاعت ..لانفعهم فلوس ولا جار
عن شعوب اتحولوا الى لاجئين.. عن بشر ناموا .. وصحيوا مُشرّدين
لما سمحوا للأباليس توسوس في ودانهم ..لما تجار الدين شككوهم في أذانهم
لما أهملوا الإنتاج وسهروا في القهاوي.. لما نشروا الفُحش وحوّلوه غناوي
لما شوهوا معاني الفن وحولوه فجور.. لما تطاولوا عالمُعلم اللي خللى حياتنا نور
لما شككوا في جيشهم ووصفوه بالخيابة..واتفتح بعديها وطنهم للديابة.. لما سال الدم لجل ماتش كورة والتعصب كَل عقولهم .. قاموا بصّوا بنظرة عُورة
يعني إيه كلمة وطن ؟ يعني أجمل ناس وأجمل بيت وأجمل زرع وأجمل غيط وأجمل قصر ..يعني أم الدنيا بسسسسس !تبقى هى مصر".