كزبرة : طول الوقت مش راضي عن اللي بعمله

تحدث الفنان أحمد بحر المعروف بـ كزبرة خلال استضافته في برنامج "معكم منى الشاذلي"، مساء الخميس، مع الإعلامية منى الشاذلي، عبر شاشة ON، عن نقاط الشبه بين شخصيته الحقيقية وبين الشخصية التي يقدمها في فيلمه الجديد "محمود التاني".

وأوضح كزبرة أن شخصية محمود تشبهه في فكرة الشاب والمواطن البسيط، مضيفًا: "وطول الوقت هو مستني فرصة واحدة لأنه عارف إن مفيش فرص كتيرة هتجيله، والفرصة دي لما بتجيله خلاص مش هتيجي تاني، وعشان كده بيعمل أي حاجة عشان يستغلها صح".

شغف التمثيل

وعن اجتهاده وشغفه بالتمثيل، قال كزبرة : "أنا مش بعرف أتكلم عن نفسي قوي، وأقول قد إيه بتعب وبحب المهنة دي قوي، وعندي صراع مع نفسي إني مش عايز أثبت حاجة للناس، لكن عايز أثبت لنفسي".

تابع كزبرة : "طول الوقت حاسس إني مش راضي عن اللي أنا بعمله، أو معملتش اللي عليا، عشان كده بشتغل أكتر، وبحب المهنة دي بجد وبشتغل بكل ما عندي وكل طاقتي فيها، ومع الوقت الناس هتبتدي تفهم قد إيه أنا شخص بتعب، والوقت هيثبت وإن شاء الله خير".

صناع فيلم محمود التاني

وأشاد صناع فيلم "محمود التاني" بالفنان تامر هجرس، موضحين جانب إنساني خفي من حياته الخاصة.

ورد الفنان أحمد بحر المعروف بـ كزبرة خلال استضافته في برنامج "معكم منى الشاذلي"، مساء الخميس، مع الإعلامية منى الشاذلي، عبر شاشة ON، على الانطباع الشائع لدى البعض حول اتصاف الفنان تامر هجرس بـ "الغرور والتعالي"، موضحًا أنه كان يحمل هذا الانطباع المسبق قبل التعامل معه، ولكنه تفاجأ بشخصيته الحقيقية والإنسانية أثناء العمل والمشاركة في تصوير المشاهد المشتركة بينهما.

وأكد كزبرة أن تامر هجرس كان يحتويه ويشجعه دائمًا أثناء التصوير، خاصة عند إعادة المشاهد، قائلًا له: "براحتك اهدى وطلّع أحسن حاجة عندك".

أشار إلى حرص تامر هجرس على أداء الصلاة فور سماع الأذان ومشاركته الصلاة في موقع التصوير.