منها خفة الدم والشياكة...رضوى الشربيني تكشف مواصفاتها المطلوبة في الزوج

كشفت الإعلامية رضوى الشربيني عن المواصفات التي تبحث عن في الزوج، موضحة أنها مرت بتجربة حب حقيقية بعد انفصالها، لكنها قصة لم يكتب لها الاستمرار.

وقالت رضوى الشربيني خلال استضافتها في برنامج "أنا والقناع"، الذي تقدمه الإعلامية منى عبد الوهاب عبر قناة الحياة: "قابلت الحب الحقيقي بعد الانفصال ومكنش تعويض عاطفي وإنما قصة حب حقيقية، ولكنها انتهت وأنا مبحبش أتكلم عن القصص اللي انتهت بسبب إننا اتفقنا إننا لا نتفق".

وعددت رضوى الشربيني مواصفات الزوج الذي تتمناه قائلة: "لازم يكون راجل قادر والقدرة هنا بمعنى إنه يكون قادر على العفو عند المقدرة، عشان ميبيصش على أخطائي ولا صغائر الأمور اللي أنا بعملها، وهيكبر دماغه ومش هيتلككلي ومش هيبص على عيوبي، ولازم يكون قوي ويشاركني كل أموري، ويكون سند وقوته دي تكون معايا مش عليا، ولما يقرر إنه مش عاوز رضوى الشربيني ميعملش أي حاجة غير إنه يجيني ويقوللي في وشي أنا آسف مش قادر أكمل".

وأضافت: "لازم يكون ناجح، مقدرش أتجوز راجل مش ناجح ولا أنا اكون أنجح منه، ويكون عنده طموح ويتقي ربنا في البني آدمين، ومكونش أنا أولهم لكن مامته وباباه، ولازم يكون بيحبني قوي وبيهتم بيا قوي، ويعرف يتعامل معايا لأن أنا صعبة، ويكون حنين وطيب ودمه خفيف عشان مقدرش أتجوز راجل دمه تقيل أبداً، ويكون شيك وخفيف في نفسه".