دينا الشربيني: ”وحشتني أيام ما كنت مذيعة وكلمة تريند مرعبة جدا بالنسبالي”
قالت الفنانة دينا الشربيني أنها من الشخصيات التي تحب الاستيقاظ مبكرا، رغم إن العمل الفني يلتزم بمواعيد تصوير متغيرة ما بين الليل والنهار، جاء ذلك خلال مداخلة هاتفية لبرنامج خلاص صحينا تقديم مارينا المصري على ميجا اف ام.
وأضافت دينا الشربيني: “ طلعت من 2022 بشخصيات كتير أثرت فيا، وإن شاء الله السنة الجاية تبقى أحلى، ومتفائلة جدا ب 2023، وعن درس السنة دي هو إني على قد ما بدي وقت لشغلي وحياتي لازم أركز برضه مع أهلي وأديهم من وقتي وطاقتي بشكل أكبر شوية”.
أضافت: "وأما عن أكتر أغنية انبسطت وأنا بسمعها السنة دي كانت "إيه اليوم الحلو ده" لأحمد سعد، وأكتر أغنية بكيت عليها هى أغنية محمد حماقي "ما بلاش وفيأعمال كتير عجبتني السنة دي، بس أكتر عمل عجبني هو مسلسل زينة "الليلة واللى فيها"، و نفسى أسلط الضوء أكتر على الأطفال والمرأة، عشان كده عجبني جدا مسلسل "فاتن أمل حربي" لنيللي كريم وعن أكتر عمل استمتعت بيه هو مسلسل "كامل العدد"، واللى بصوره حاليا وهيتعرض فى رمضان 2023.
تابعت: "وانا مش بتابع السوشيال ميديا، بس بحب التيك توك أوي، وكلمة "تريند" بالنسبة لي مرعبة، ومش بحبها أبدا، ونفسي أجرب الإذاعة جدا، ووحشتنى أيام لما كنت مذيعة.
واختتمت قائلة: " أكتر حاجة اتغيرت فيا السنة دي هى إن عصبيتي بقت أقل، ودي حاجة مش سهلة، لأني شخص عاطفي جدا، وكل مشاعرى بتبان عليا، وأنا الحمد لله على طول كويسة نفسيا، وبقيت أقدر أعمل كنترول على مشاعري، ومش بسمح لأي حاجة تزعلني، ولقد كان عاما مليئا بالسعادة، بالنسبة لدينا الشربيني الحمد لله.
