كندة علوش تكشف كواليس ترشيحها لدور ناهد: مش شبهي ومش متوقع

اعتبرت الفنانة كندة علوش مشاركتها في مسلسل "إخواتي"، الذي عُرض في رمضان الماضي، من خلال شخصية "ناهد"، مغامرة حقيقية خاضها المخرج محمد شاكر خضير باختياره لها لهذا الدور.

وقالت خلال لقائها مع الإعلامية لميس الحديدي في برنامج "كلمة أخيرة" على قناة ON: "مش أي مخرج وهو بيقرأ الورق كان ممكن يختارني للدور ده، لأنه بعيد تمامًا عن الأدوار اللي قدمتها قبل كده".

وأضافت: "لما عرض عليّ الدور، سألته: إيه اللي خلاك ترشحني؟ قال لي: أنا شايف إن عندِك مساحة تقدر تطلعي منها (ناهد)، ويمكن ماكنتش واثق 100%، لكنها كانت مغامرة مشتركة بينا، وده خلاني أحس بمسؤولية كبيرة".

وتابعت: "وأنا بشتغل على الشخصية، كان دايمًا جوايا صوت بيقولي: مش عايزة أخذله، ولا أخليه يندم إنه اختارني".

وأكدت أن الدور كان تحديًا شخصيًا لها، خاصة بعد فترة غياب عن الشاشة، قائلة: "كنت عايزة أثبت لنفسي إني قدّ التحدي، وإن عودتي تبقى بدور مؤثر ويعمل صدى".

واختتمت حديثها: "رغم إن كل تفاصيل المشروع كانت مهمة بالنسبة لي، من السيناريو القوي إلى وجود نجمات كبار، إلا إن الإحساس المسيطر عليّ كان: مش عايزة أخذل أستاذ محمد شاكر خضير".