محمد أنور يستعيد ذكرياته مع سليمان عيد : أول نجم جه يتفرج علينا ومكناش معروفين

حرص الفنان محمد أنور علي نعي صديقه الراحل سليمان عيد، الذي غيبه الموت أمس الجمعة واسترجع محمد أنور ذكرياته مع الراحل.

وشارك محمد أنور صورة لـ سليمان عيد، عبر حسابه الرسمي بموقع الصور والفيديو «إنستجرام»:"سنة 2011 عملنا مسرحية اسمها ( شيزلونج )علي مسرح الدولة ومكانش حد يعرفنا غير صحابنا عم سليمان أول نجم جه يتفرج علينا ولما عجبناه عزم كل المخرجين الكبار والنجوم عشان ييجوا يتفرجوا علينا وياخدو ناس مننا".

وأَضاف:"واللي كان منهم استاذ اشرف عبدالباقي اللي خدنا فعلا لما اتفرج علينا وبدأنا معاه المشوار ومش بس كده عم سليمان كان بياخدنا ونروح شركات الانتاج يعرضنا عالمنتجين، وهو ملوش أي مصلحة في اللي بيعمله ده وكان ممكن يتفرج ويقول كلمتين حلوين ويروح وخلاص".

وتابع :"كان اطيب واحد شوفته في حياتي وعمره مازعل حد ربنا يرحمك ياعم سليمان ويدخلك فسيح جناته".

وفاة سليمان عيد

غيب الموت أمس الجمعة الفنان سليمان عيد عن عمر ناهز 64 عامًا، بعد تعرضه لأزمة صحية مفاجئة نقل على إثرها إلى المستشفى، إلا أن حالته تدهورت سريعًا، ليلفظ أنفاسه الأخيرة هناك.