حسن الرداد ناعيا سليمان عيد : حزنى عليك ما يتوصفش
نعى الفنان حسن الرداد الفنان الراحل سليمان عيد، الذي رحل عن عالمنا صباح اليوم الجمعة، إثر تعرضه لأزمة صحية مفاجئة.
وقال حسن الرداد، في منشور له عبر حسابه الرسمي بموقع الصور والفيديو «إنستجرام»: "البقاء والدوام لله في القلب الطيب والإنسان الخلوق المحترم الأستاذ سليمان عيد أو عم سليمان زى ما كنت بقوله".
وأضاف: "الإنسان سيرة وهي دى اللى بتبقى لإنسان بعد ما بيرحل وانت يا عم سليمان أديت مثال لنا كلنا بعد ما الأخلاق قلت والمصلحة بقت مسيطرة على علاقات الناس والكره والغيرة والحقد بقوا في كل مكان".
وأكمل :"أديت لنا مثال في إن كل الحاجات دى زائلة وما حدش هيحزن ويزعل عليك بجد غير من تعاملك الطيب وأخلاقك العالية، الله يرحمك يا حبيب قلبى، حزنى عليك ما يتوصفش وأشهد إنك كنت راجل طيب وإنسان مخلص لكل الناس اللى تعرفهم".
وأختتم :"اشتغلت معاك أعمال كتيرة كنت زى النسمة ودائم الابتسامة وبدون أي طلبات، اللهم ارحم عبدك سليمان عيد وأدخله الجنة مع الأبرار والصديقين خالص عزائى لأسرته الكريمة".
