.jpg)
أحمد الفيشاوي: أكبر مصيبة عملتها حرقت فندقا بالكامل وأبويا اتكفل بإصلاحه
رد الفنان أحمد الفيشاوي، على سؤال الاعلامية أميرة بدر ببرنامج "أسرار"، حول أكبر مصيبة تسبب فيها خلال حياته، قائلا: "أكبر مصيبة عملتها حرقت فندق كنت بلعب مع أصدقاء ليا والفندق كان فيه أرض واسعة زي المنتجعات اللي بتتعمل دلوقتي حدائق وأشجار وكان عندي 17 سنة".
وأضاف أحمد الفيشاوي، خلال حواره ببرنامج "أسرار"، المذاع على قناة النهار، أن الفندق كان فيه شعلات داخلها زيت، مضيفا: "قلت لأصدقائي يلا نلعب تحطيب بشعلات الزيت واللى شعلته تتكسر وتنزل النار على الزرع يبقى هو الخسران فالنتيجة الفندق كله ولع والناس جريت".
وتابع: "أبويا اللى تولى اصلاح الفندق وكان الفندق في القاهرة ووالدي اضطر يصلحه وعمل اتفاق مع ملاك الفندق وقسط قيمة التصليح وأنا كنت شيطان بوز اصحابي على الغلط"، مشددا على أنه كان دائم التواجد مع محمد إمام وكريم محمود عبد العزيز وهيثم أحمد زكي وعمر مصطفى متولي وكلهم جيل واحد وعائلة واحدة.
