محمد موسى عن براءة محمد الشقنقيري من اتهامات رحيل ذكري: خد حقه بالقانون

وقال محمد موسى خلال تقديم برنامج "خط أحمر" على قناة الحدث اليوم، الفنان محمد الشقنقيري تصرف بمنتهى ضبط النفس وعدم الدخول في معارك كلامية كان ممكن يتم استدراجه لها.. وحدد هو عايز أيه وخد حقه بالقانون وبعد ما خد حقه في أول قضية طلع اتكلم وكتب علي صفحته ونشر صورة الحكم وده شيء محترم أنك تلجأ للقانون والورقة والقلم لأن تأثيرهم بيكون أقوي بكتير جدا من اللبلبة.
وأشار "موسى"، إلى أن الفنان محمد الشقنقيري كشف على حسابه الشخصي بـ"فيسبوك" عن تطورات الدعوى القضائية التي أقامها ضد الموديل رحيل اللي كانت ادعت أنه زوجها، قائلا: مرضيتش اتكلم في المشكلة اللي حصلت إلا بعد ما القضاء يقول كلمته، وحقيقي شيء مؤسف جدا إنك تضطر إنك تاخد رد فعل عنيف كده مع أي حد خصوصا لو واحدة ست في قضية زي دي ... بس كمية الكذب والأفلام اللي اتعملت كانت أكتر من إن أسيبها من غير ما آخد رد فعل قانوني.".
وقال محمد الشقنقيري في تدوينة له: أنا التزمت الصمت تماما ولجأت إلى القضاء ورفعت قضية من شهر 6 اللي فات وبعد تحريات النيابة والأدلة اللي قدمتها واللي بتثبت كذب ادعاء المتهمة تم تحويلها للقضاء وتم الحكم عليها وتم إثبات إن كل الكلام اللي قامت المتهمة بنشره هو كذب وتلفيق".
تابع، "القضية دي لسه أول قضية وهي إثبات كذب كل ما تم نشره على السوشيال ميديا ولسه المتهمة هتواجه 3 تهم أخرى و3 قضايا أخرى وهم الابتزاز والسب والقذف والتعويض، وحاليا مطلوب القبض على المتهمة من جهة تنفيذ الأحكام، لأن مفيش حد بيقول إنه متجوز بشوية صور، وطبعا ده غير إن المتهمة حكت حوالي 5 قصص مختلفة مرة قالت عرفي ومرة رسمي ومرة قدام مأذون ومرة قدام محامي وكل ده متسجل في تحريات النيابة".