تفاصيل واقعة المنتج هشام سليمان في نادي الجزيرة.. القصة الكاملة

كشف المنتج هشام سليمان، تفاصيل واقعة حدثت معه برفقة أسرته داخل نادي الجزيرة فرع مدينة السادس من أكتوبر.

وقال سليمان عبر حسابه على "فيسبوك": "النهاردة في مطعم نادي الجزيرة 6 أكتوبر الرئيسي ومعايا العيلة، مراتي وبنتي وجوزها ومالك ابني وأحفادي، والبيبي سيتر لارا، دخل علينا المتر وقالنا ممنوع البيبي سيتر تاكل في المطعم ممكن تاكل برا".

أضاف: "قولتله حضرتك بتقول إيه، دي هتقعد على نفس ترابيزتنا وهتاكل نفس أكلنا، قالي لا والله يا فندم دي تعليمات، ضحكنا وخرجنا وقررنا مناكلش في النادي".

استكمل المنتج: "لما خرجنا سليم حفيدي سألني إحنا مشينا ليه يا جدو، أنا كنت عايز أكل، دماغي وقفت ومعرفتش أقوله إيه، مينفعش أقوله علشان لارا تاكل معانا مش هيفهم".