الناقدة ماجدة خيرالله تعلق على أزمة فيلم الهوى سلطان.. بطولة منة شلبي

علقت الناقدة ماجدة خير الله، على أزمة فيلم "الهوى سلطان" التي بدأت باتهام المؤلفة رشا الجزار، لمؤلفة الفيلم "هبة يسري"، بسرقة فكرة الفيلم من قصتها التي كتبتها تحت عنوان "حبي الأول" عام 2017.

وعن عدم رد هبة يسري على رشا الجزار بنفسها، قالت: "ليه واحد يتهمني بحاجة مش فيا أهتم إن أنا أرد عليه، هي رشا عايزة تسحبها بأي شكل علشان تبقى خناقة كبيرة، هي لو عندها إثبات تقدر تتجه للنقابة وتاخد الإجراءات القانونية، واللجنة في النقابة ناس محترمين لا هيجاملوا ده ولا هيجاملوا ده".

واستكملت: "ده في كتير من الأفلام عربي وأجنبي فيهم واحد خان مراته هل كده كل دول سارقين الفكرة من بعض؟ هو في أفكار كتير بتتشابه، السيناريست رشا عايزة تعمل ضجيج على عمل ناجح وتنسبه لنفسها، هبة يسري في خلال أعمالها السابقة رغم إنها مش كتير بس طريقتها وتفكيرها كويسة جدًا، فميصحش إننا نُسيئ لعمل شخص تاني".

ويضم الفيلم نخبة كبيرة من النجوم منهم: منة شلبي، وأحمد داوود، وأحمد خالد صالح، وسوسن بدر، وعماد رشاد، وجيهان الشماشرجي، ومن تأليف وإخراج هبة يسري