محمد موسى: محامي عبدالله رشدي ورط نفسه في قضايا سب وقذف وتشهير.. فيديو

فتح الإعلامي محمد موسى، النار على ما أسماه بـ"المحامي المتحرش"، ويطلق على نفسه أنه محامي الداعية عبدالله رشدي قائلا: "المهزأ المتحرش ده عنده قضية مع واحدة ست بتتهم موكله بمحاولة الاعتداء عليها وأنه تزوجها شفهياً والقضية في المحاكم والنيابات ولم يتم الفصل فيها حتى الآن ولكن المهزأ ركب علي الموضوع وعرض نفسه علي الطرف المتهم بالقضية وبقى محاميه".

وأضاف محمد موسى خلال تقديم برنامج "خط أحمر" على قناة الحدث اليوم، لما عملت شغلي في البرنامج وعرضت الموضوع واستضفت السيدة العراقية جيهان رشدي ببرنامجي من أسبوع جن جنونهم بسبب أن الست طلعت لأول مرة علي التليفزيون معايا وتتكلم في الموضوع .. فطلع عمل فيديو أهان الست وعيلتها وبنتها وزوجها ومخلاش".

تابع: "تشوفه وهو بيتكلم في اللايف تفهم علي طول أنك بتشوف واحدة ست مبتذلة شغلتها فرد الملاية.. مش طريقة شخص بيقول علي نفسه محامي .. لأنه فعلاً لو درس قانون أو أتعلم قانون مكانش طلع ورط نفسه بهذا الشكل في عدة قضايا سب وقذف وتشهير وده هنتكلم عنه بعد شوية" .