أحمد سعد يتحدث عن تجربته مع العلاج النفسي: كل ما تحكي بتكون أحسن كتير

تحدث الفنان أحمد سعد، عن تجربته مع الأطباء النفسيين، واصفًا إياها بـ«العظيمة».

وأضاف خلال لقاء لبرنامج «SOLD OUT»، الذي يقدمه الإعلامي محمود سعد عبر فضائية «CBC»، مساء الخميس: «أنا من أقدم المرضى النفسيين.. ده أعظم شيء في العالم إنك تروح لدكتور نفسي».

وذكر أن اللجوء للعلاج النفسي يمنح الإنسان مساحة للحديث بحرية مع شخص لا تعلمه أو تربطك به صلة، معقبًا: «أهم شيء على وجه الأرض إنك تطلع الحاجة اللي جواك براك، كل ما بتحكي ده بيخليك أحسن كتير».

وسأل الإعلامي ضيفه عن سبب عدم استعانته بالأصدقاء لإخبارهم بما يدور داخله، ليمازحه الفنان: «ده أنا أتفضح ويعايروني، أسوأ ناس في العالم أصحابي».

ولفت أحمد سعد، إلى أن الأطباء النفسيين يساعدون المريض على التعامل مع عيوبه، مضيفًا: «إحنا وصلنا لأعمار معينة، مفيش حاجة اسمها تعالج عيوب عندك، في عيوب كتير بتحركنا، زي إنك تتعصب على مراتك أو تكلم ابنك بشكل معين أو تاخد قرارات سريعة».

وأكمل: «الناس فاكرة المرض النفسي إنك مشلول، لكن لا الأمر مرتبط بتصرفاتنا العادية اللي بندير بيها أمور حياتنا، كلنا بنشترك مع بعض في حاجات معينة؛ نرجسية وعصبية، لكن النسب مختلفة، والطبيب بيعرفك إزاي تتعامل مع عيوبك».