سامي مغاوري: أبناء النجوم مش بيتظلموا بعكس أولاد الفنانين

تحدث سامي مغاوري عن تكريمه في عدد من المهرجانات من بينهم مهرجان الدراما، قائلا “مبتكلمش عن تكريمي في اي مكان عشان دلوقتي بقى كله بيتكرم وبخاف يتقال ده بيتكرم من المهرجانات إياها” .

وقال سامي مغاوري خلال برنامج "كلام الناس" المذاع علي قناة "mbc مصر" مقارنة نجوم الوقت الحالي بنجوم زمان: زمان الممثل كان بيبقى عنده عمل واحد وبالليل بينزل مسرح لكن دلوقتي بيبقى عندهم عمل الصبح وبعد الضهر وفي كل وقت.

وتطرق سامي مغاوري بحديثه عن عدم توسطه لابنه في الأعمال الفنية، قائلا: أبناء النجوم مش بيتظلموا إنما أبناء الفنان اللي بيتقال عليه فنان قدير ده بيتظلم لأنه بيشوفوه حاجة كبيرة عنده قيم ومبادئ فيتحرج يرشح ابنه لعمل فني أما النجم عادي بيقول، وأنا مبحبش حد يبقى ليه جميلة عليا.. هو اتخرج من معهد تمثيل فليه ميحطش رجله على السلم بنفسه.