أميرة عبيد تفتح النار على خالد الصاوي: صدمتي فيك كبيرة ومش متوقعة

فتحت الإعلامية أميرة عبيد، النار على الفنان خالد الصاوي، بسبب ترويجه لحفلات التكنو، قائلة: "الصدمة كبيرة ومش متوقعة من فنان له جمهور كبير والمفروض قدوة لجمهوره واللي أنا شخصياً كنت من متابعينه ولكن صدمني زي ما صدم كل أم وكل أب تعبوا في تربية عيالهم".
وأضافت أميرة عبيد خلال تقديمها برنامج "هي وهما" على قناة الحدث اليوم، "الفنان الكبير خالد الصاوي للأسف بيدعو الشاب والبنات لحضور حفلت تكنو في الجونة، اعمق أسرارك اللي هو إزي يعني ؟! وأنت تشجع الشباب على التكنو ليه ؟ إيه هدفك، يا نجم يا فنان يا قدوة غرضك إيه وهتستفيد إيه لازم نفهم،؟
تابعت،: "حضرتك راجل ناضج ومسؤول عن تصرفاتك أنت حر، ولكن مش مسموح لك تكون سبب في تشجيع أولاد مصر في الغلط والضياع، حضرتك شخصية عامة ومؤثرة في المجتمع مش هنسمحلك تأثر علي شبابنا وبناتنا بسلبي، متسائلة، هل حضرتك عندك علم إن دعوتك دي تعتبر دعوة لتحريض على الفسق والفجور ولا متعرفش؟؟