عمرو مصطفى: حياتي تغيرت بعد وفاة والدتي.. مبقاش فارق معايا حاجة
حل الفنان والملحن عمرو مصطفى، ضيفًا على برنامج «حفل توزيع جوائز»، الذي تقدمه الإعلامية جيهان عبدالله، والمذاع عبر أثير إذاعة «نجوم أف إم»، مساء الأحد.
وبسؤاله عن الجوائز التي يحتاج الحصول عليها، أجاب: «أنا مش محتاج جوايز بصراحة أنا محتاج قلمين.. في حاجات كتيرة كانت خطأ في حياتي، كنت بطلع عصبي جدًا مع الناس وشخصيتي مختلفة»، بحسب تعبيره.
وأشار إلى أن حياته ومضمونها تغيرت بعد وفاة والدته، مضيفًا: «مبقاش فارق معايا حاجة ومبقاش فارق معايا منافسة، فارق معايا إني أطلع حاجة حلوة بس».
ولفت إلى أنه حريص على الوصول إلى الأجيال الجديدة والارتقاء بهم، منوهًا أن حال الموسيقى في مصر بحاجة إلى تغيير.
وعن سبب عدم مشاركته في إعلانات رمضان هذا العام، أوضح أنه كان يعمل على مدار الفترة الماضية على شكل موسيقي جديد.
وأكمل: «لما قدمت الشكل الجديد قبل كده في إعلان ده أذاني في الشكل الموسيقي بتاعي، عشان كده محبتش أحرق نفسي في الإعلانات السنة أو السنة اللي فاتت حاولت أأقل على قد ما أقدر».
