عمرو مصطفى يختار الشعب المصري لمنحه جائزة تقديرية: صبور ومستحمل كل اللي بيحصل
حل الفنان والملحن عمرو مصطفى، ضيفًا على برنامج «حفل توزيع جوائز»، الذي تقدمه الإعلامية جيهان عبدالله، والمذاع عبر أثير إذاعة «نجوم أف إم»، مساء الأحد.
وبسؤاله عن الشخص الذي يمنح له جائزة عمرو مصطفى التقديرية، قال إنه يمنحها للشعب المصري على صبره وتمسكه وفهمه ووعيه وإحساسه بما حدث في العالم كله.
وأضاف: «أديها للشعب المصري على إنه قادر يستحمل كل اللي بيحصل ده، لإن معندناش حل غير إن نكون خلف قيادتنا السياسية بس، ويا رب الشعب يفضل متكاتف عشان نوصل ببلدنا لبر الأمان».
وأكمل: «إحنا شايفين الشعوب كلها عاملة إيه، الغلاء في كل حتة في العالم، اللي بيودي ابنه في مدارس أو جامعات برا الجامعة اللي بـ10 قروش بقت بـ20 قرشا، وكون إن الشعب المصري مستحمل ده فهو يستحق ياخد جايزة تقديرية كبيرة».
وتوجه برسالة إلى الشعب، قائلًا: «ارتقوا باللي بتسمعوه في المزيكا واللي بتشوفوه عشان تقدروا ترتقوا بأولادكم، لأننا بنمر بأسوأ مرحلة في حياتنا ثقافيًا، إحنا في مصيبة ثقافية».
ونوه بأن الفن المقدم حاليًا يصل بالإنسان نحو القاع، مختتمًا: «محتاجين فن يرتقي بالإنسان عشان يقدر يستحمل الفترات الجاية، محتاجين شعب راقي، إحنا بنعمل مدن وبلد جديدة وعاصمة إدارية لازم كمان نبني البني آدم اللي يحافظ على المباني ويطلع صورتنا حلوة».
