خالد يوسف: حنان ترك حالة ميئوس منها.. وحاولت كتير معاها في موضوع العودة للفن

توجه المخرج خالد يوسف، بسؤال إلى الفنانة المعتزلة حنان ترك، حول سبب اعتزالها الفن، مشيرًا إلى أنها كانت «موهبة كبيرة».

وأضاف خلال لقاء لبرنامج «حبر سري»، المذاع عبر فضائية «القاهرة والناس»، مساء الأحد: «أقول لحنان ترك إزاي اعتزلتي؟ هي موهبة كبيرة وخسارة».

وأشار إلى أن العلاقة بينهما «عشرة عمر»، مجيبًا عن رد فعلها إذا فاتحها في موضوع العودة للتمثيل: «هتقول لي الكلام اللي كتير قالته لي قبل كده وكتير مقتنعتش، هي حالة ميئوس منها، حاولت قبل كده كتير، لكن ميكانيزمات الدماغ».

وأكمل: «هي تهزمك لما تقول لك بس أنا كده حاسة إني مرتاحة أكتر، دي سعادتك بقا، إحنا بنقعد في الحياة ليه عشان نبقى سعداء، هي سعيدة فكده خلاص».