الفنانة لورا عماد تنجوا من حادث سير: طلعت منها على خير

تعرضت الفنانة لورا عماد، طليقة الفنان شريف منير، لحادث سير منذ قليل.

ونشرت لورا عماد عبر حسابها على إنستجرام فيديو لسيارتها بعد الحادث، معلقة: «عمري ما عملت حادثة في حياتي وطول عمري بقول إن الخوف من الناس اللي بتسوق حواليك مهما كنت أنت بتعرف تسوق، وإن اللي ربنا كاتبهولك هتشوفه».

وتابعت: «وأنك متملكش في نفسك ولا في اللي حواليك غير إنك تدعي لنفسك وللي حواليك إن ربنا يحفظنا ويلطف بينا، أما أهم اكتشاف اكتشفته إن الزحمة أكثر آمانا من الشوارع الفاضية السريعة».

وأضافت: «أما الحاجة التانية اللي عارفاها من زمان إن اللي بيمشي مبيتعبش بس بيسيب ناس اتكسر قلوبهم، لأنهم حبوك من قلبهم، بشكرك يا رب إني مكسرتش قلب حد وإني طلعت منها على خير».

واختتمت: «ربنا يحفظكم كلكم ويحفظ ولادكم من شر الطريق وشر الناس المستهترة، وإن محدش مات حتى لو كان هو اللي غلطان لأني مش عارفة كنت هبقى عامله إيه لو كان حد مات، حتى إن كان هو الغلطان.. أرجوكم ارحموا أهاليكم ومتموتهمش وهما عايشين».

يشار إلى أن لورا عماد وشريف منير، أعلنا طلاقهما منذ أكثر من 3 أشهر.