محمد موسى صارخا على الهواء: التريند أصبح بلوة سودة على دماغ مجتمعنا.. فيديو

انفعل الإعلامي محمد موسى، بسبب ترندات السوشيال الميديا التي تسيء للمجتمع وتفسده، قائلا: "موضوع التريند أصبح بلوه سوده علي دماغ مجتمعنا وللأسف اللي بيتصدروا التريندات دي مفيش مشكلة عندهم يعملوا أي حاجة عشان يتشهروا أو يتعرفوا حتي لو كانت المتاجرة بجسمهم أو بسمعتهم بس المهم يكونوا تريند".

وأضاف محمد موسى خلال تقديم برنامج "خط أحمر" على قناة الحدث اليوم، "بالصدفة لقيت فيديو قدامي لواحده ومعاها واحد ماسك مايك ووراهم لافتة خاصة بأحد المهرجانات والحقيقة ولا المراسل اللي ماسك المايك حد يعرفه ولا الست اللي بيسجل معاها حد يعرفها ولكن الكلام اللي اتقال في الفيديو ده محتاج مباحث الأداب لأن ده فعل فاضح وعلني".

وتابع: "دي قضية أداب متكاملة الأركان واحدة طالعة تتشغلع وتحكي عن تجاربها مع الرجالة وازاي بتعرف تخون .. أنا عايز أفهم الناس دي عايزين يصدروا أيه للمجتمع الناس دي متسابة إزاي كده علي السوشيال ميديا يخربوا عقول البشر، ده بلاغ مني لسيادة النائب العام لإيقاف المهزلة دي .. مش معقولة الإسفاف ده مش معقولة التدني ده مش معقولة اللي بيحصل ده".