وليد فواز يكشف سر زيادة وزنه في الفترة الأخيرة

كشف الفنان وليد فواز، كواليس جديدة في مشواره الفني وخاصة الدراما الشعبية.

وبشأن مسلسله الجديد مع أحمد العوضي، تابع الفنان وليد فواز خلال لقائه مع الإعلامية شيرين سليمان ببرنامج سبوت لايت، المذاع على قناة صدى البلد: «بعمل مع أحمد العوضي مسلسل «حق عرب» بطولة الفنان رياض الخولي، من إنتاج سينرجي».

ونوه الفنان وليد فواز قائلا: «مسلسل حق عرب هيكون في خناقة مع أحمد العوضي ومفيش ودا خالص بين الاثنين في المسلسل زي فريد شوقي ومحمود المليجي، والصراع هيكون في منطقة الجمالية».

وبشأن الخروج من الشخصية لأخرى، علق وليد فواز قائلا: «أنا مع الخبرة والشغل الكثير بقيت أعرف أتعامل مع كل دور لوحده وازاي أخرج من الشخصية، والتمثيل الاحترافي لازم يكون فيه فصل للشخصيات مع أنه شيء مرهق، ومع الخبرة والدراسة بعرف أعدي».

وتابع فواز: «جت عليا فترة قعدت فيها في البيت لكني رجعت تاني بعد ما اكتشف الأخطاء واشتغلت عليها ورجعت تاني».

وبشأن وزنه الزائد، استكمل قائلا: «بقدر اخس لو الدور محتاج وزن أقل وبطمن الجمهور أني هقدر ارجع تاني، وأنا شخص اجتماعي وبحب أسافر مع أصحابي واكتشاف الأماكن الجديدة، وبنصح أي حد نفسه يسافر في الشتا يروح سيوة أو أسوان، واللي سافر خارج مصر هو اللي يقدر يحس بالحنين للوطن.