أميرة بدر تهاجم تامر حبيب: بلاش تتكلم

هاجمت الإعلامية أميرة بدر السيناريست تامر حبيب، بعد بوست كتبه عبر حسابه في موقع التواصل الاجتماعي فيسبوك، موجها للفنان محمد سلام، الذي قرر الاعتذار عن عدم المشاركة في مسرحية تعرض ضمن موسم الرياض، تضامنا مع أهل غزة.

وقالت أميرة بدر : "النجم محمد سلام الممثل المحترم الإنسان رأيه يحترم جدا، وبرامج كثيرة حاولت تتواصل معاه مرضيش يطلع يتكلم لإنه مش عايز تريند وشهرة، هو إنسان دينه الإنسانية قبل الإسلام".

وتابعت أميرة بدر: "الأستاذ تامر حبيب كتب على السوشيال ميديا والنبي لما اي حد فينا ياخد اي قرار، ياخده و هو ساكت، ولا إنت عايز تبقى تريند، خليني ساكت بلاش اتكلم".

أردفت أميرة بدر: "في موقف زي دي يا أستاذ تامر بلاش تتكلم، حضرتك عايز تروح وتشتغل روح محدش هيقول لك حاجة، الممثل شايف إن ده شغله وأكل عيشه وده حقه، ولكن يا أستاذ تامر ماتطلعش تتكلم على الأستاذ والنجم محمد سلام بهذا الشكل، حتى لو كتبت بعدها إنك لا تقصده، لإن ده حقه".