طريقة تحضير مافن الخضروات للأطفال
طريقة تحضير مافن الخضروات وصفة سهلة للأطفال تحتوى على العديد من العناصر الغذائية الهامة .
المقادير:
٢ كوب دقيق أبيض وأسمر (ممكن كله أبيض وممكن كله أسمر) عايزين نجمع مابين الفايدة والطعم والشكل.. ولو أطفالك بيحبوا طعم الشوفان نقدر نطحن كمية منه ونحطه على المقدار ويبقى مثلا كوب دقيق أسمر ونصف كوب شوفان ونصف كوب دقيق أبيض
٢ بيضة
كوب ونصف لبن
١ فلفل أحمر مقطع صغير
١ جزرة مبشورة
نصف علبة ذرة صفرا حلوة
شوية بقدونس
ملح وفلفل
٢ ملعقة صغيرة بيكينج باودر
جبن مشكلة للوجه (موتزاريلا، شيدر، جودة .. زى ما تحبوا)
الطريقة:
نخلط كل المكونات السابقة بالمضرب أو “الويسك” ونغرفها فى قوالب المافن بعد ما دهناها بالزيت.. أو نحطها فى قوالب الكب كيك الورق ونرش فوق الخليط الجبن.. وتدخل الفرن على حرارة ٢٠٠ أو ٢٢٠ لمدة ٢٠ دقيقة لحد ما تستوى..
